Ƀòn dờng geh jơh 22 quận, kơnhoàl, ƀòn dờng Thủ Đức mờ 281 tàm 312 sơnah ƀòn, xã, thị trấn cih mờ lip sră kah yau Đảng ƀộ, kah yau bơhiàn tam lơh kac màng tơngai bơh nam 1930 tus nam 1975 mờ bơh nam 1975 tus tŭ do. Bulah bè hơ̆ tàm broă lam lơh jat Jơnau sồr sồ 20 bơh Ƀan Ƀí thư Đảng dà lơgar dê tàm ƀòn dờng Hồ Chí Minh kung gam uă bơta ờ niam, bè: Broă rơndap kwang bàng, cau lơh broă, dùl bơnah tài broă lơh mblàng yal gùng dà broă lơh ờ geh cau lơh broă tàm gah mìng kah yau Đảng.

Đơs tàm pơrjum, ồng Nguyễn Hồ Hải, Phó Ƀí thư Thàñ ủy sồr: tơngai tus, ală mpồl pal pơn jat tai lam lơh jat mờ bơsong ală bơta ờ niam ai tơlik tàm bơta tŭ do. Lơh bè lơi nàng broă lơh cih gơs mblàng yal, bơto bơtê kah yau Đảng ngai sơlơ niam rlau, di mờ tơl mpồl cau, ngan là cau kơnòm să. Geh ală tơngume sồr lơh nàng làng bol in git di tơngume kah yau mờ kơ̆ dơn lam lơh broă do.