Pơrjum đơs bơh 20 nam lơh jat Nghị quyết sồ 23 mờ ală gùng dà broă lơh bơh Đảng dê bè tam klăc dờng gùt jơi bơtiàn neh lơh geh uă cồng nha niam ngan. Mặt trận Dà lơgar mờ ală mpồl cau, làng bol pơn jat tai tam gơl pa tơngume mờ broă lơh lơh broă, hòi jà gal ngan làng bol tus bal tàm ală srơh tàm pơrlòng kờñ gơboh dà lơgar; rcang tus bal jat sền mờ lùp jơnau mpồl bơtiàn; lơh niam gơnoar broă là rbàng tàm tơrbŏ bal đah Đảng, Dà lơgar mờ làng bol.

Mơya, bơta pràn tam klăc dờng gùt jơi bơtiàn geh tŭ, geh tiah ờ hềt geh sền gròi lơh jat tơl làm. Ală bơta pràn, bơta buơn bơceh lơh bơh làng bol dê tàm broă bơt bơtàu mờ sền gàr dà lơgar ờ hềt ngui niam. Tàm tơngai ală bơta tàm dunia mờ ală tiah tàm tơngai tus rơ̆p kal ke mờ kal ke ngan yal tơngĭt lài, ală jơnau đơs tă pơgồp bal tàm pơrjum sồr pal gờñ ai lơh jat Nghị quyết pa ala Nghị quyết sồ 23, nàng pơn jat tai ngui niam bơta pràn tam klăc dờng jơh gùt jơi bơtiàn tàm tơngai pa bè tŭ do. Ală kwang bàng kung đơs là, nàng bơt bơtàu mpồl tam klăc dờng jơh gùt jơi bơtiàn den să tờm cau geh Đảng pal sàng goh, pràn kơl dang, kơ̆ kơljap, pal lơh krơh lài.