Đơs pơndŭt dơ̆ lơh broă, Kwang ătbồ Mpồl Lơh sa Dà lơgar ồng Trần Tuấn Anh đơs nền, ală jơnau đơs sền bal neh pơgồp bơnah lơh loh tai bơta gĭt wă bơh ƀòn dờng Hồ Chí Minh dê bè bơtàu tơnguh rài lơh sa drà kă bro pơlam gùng xã hội củ nghĩa, mơkung neh bơtơl tai bè bàr pe broă tờm, broă kwơmàng.

Ală jơnau đơs geh đơs tàm dơ̆ lơh broă neh lơh loh rlau bơta geh ngan lơh jăt gùng dà jơnau sồr bơh Đảng dê bè bơtàu tơnguh rài lơh sa drà kă bro pơlam gùng xã hội củ nghĩa tàm ù tiah ƀòn dờng Hồ Chí Minh dê, ngan là ală cồng nha lơh geh pơnrơ ngan, ală bơta ờ hềt dipal, jơnau bơh tài bơh jơnau lơh geh cồng nha, bơta ờ dipal dê, ală broă gơ tơlik tus mờ jơnau bơsram mờng chài bơh tiah do dê.