Ală kwang bàng tàm mpồl Ủy ƀan Thường vụ Quôk hội ring bal mờ bơta kờñ pal geh tam gơl ală rơndăp broă lơh :Adat rcang sơndră tăc blơi kòn bơnus (tam gơl); Adat Dia priă dia gơguh tai (tam gơl); Adat Dà sơnơm (tam gơl); Adat  atbồ, ngui phàu crong, phan bơrtoh mờ phan dong kờl (tam gơl). Sră nggal neh geh rcang tơl làm, di mờ jơnau sồr.

Củ tịc Quôk hội Vương Đình Huệ đơs là: ală tơngume bơh rơndăp broă lơh Adat pal di pal mờ Adat ai lơh jat sră nggal geh gơrềng tus adat boh lam. Ală Nghị quyết bè broă lơh lơh adat, Kơrnoat boh lam kờñ cih loh tàm tŭ kơlôi sơnơng, lơh sir broă lơh adat. Gơwèt mờ jơnau gơlik geh broă lơh pa halà geh tam gơl, bơtơl broă dong kờl, pal sền sơwì bơta gơrềng nền nòn. Củ tịc Quôk hội kung tơngkah ală Ƀộ, ngàñ, tàm hơ̆ Ƀộ Sền gàr adat boh lam cribơyai mờ Cíñ phủ pal tơrmù ƀà ală bơta ờ niam ală rơndăp broă lơh dê nàng yal mờ Ủy ƀan Thường vụ Quôk hội in sền sơ wì, lơh nền bơtơl tàm broă lơh.