Mho ngai 16/02, tàm Hìu Quôk hội, Phó Củ tịc Quôk hội ồng Trần Thanh Mẫn đơng lam pơrjum ring bal ală broă lơh Bơyai lơh Tơngkah kir sơnrai 80 nam ngai Bơyai lơh dơ̆ tĕ khà bơh sơnrờp pồ Quôk hội Việt Nam (06/01/1946- 06/01/2026). Phó Củ tịc Duh broă sùm Quôk hội ồng Trần Thanh Mẫn sồr broă bơyai lơh tơngkah kir sơnrai ki ngàm yŭ rơyùm, tềm pềr, lơh geh nùs nhơm chờ hờp chờ hờñ tàm jơh gùt lơgar. Mờ bơta gơtha geh kwơ ngan hơ̆, broă bơyai lơh Tơngkah kir sơnrai kờñ pal geh lơh bal mờ ală broă lơh li la, di broă, di anih; gơ jăt bal mờ ală broă lơh tơngkah kir sơnrai ală ngai chờ dờng tàm nam; lơh geh ală jơnau sồr geh ngan, lơngăp lơngai, tềm pềr, geh cồng nha, lơh geh nùs nhơm chờ hờp chờ hờñ tàm jơh gùt lơgar. Phó Củ tịc Duh broă sùm Quôk hội ồng Trần Thanh Mẫn tơngkah tơrgùm rơcăng niam Dơ̆ bơyai lơh tơrgùm să pơrjum tơngkah kir sơnrai 80 nam Quôk hội Việt Nam. Mơkung lam lơh srơh tàm pơrlòng lơh geh cồng nha gờm chờ 80 nam Quôk hội Việt Nam.