Mờ bơta geh ngan geh is mờ bă tiah mùl geh, Gia Lai neh lơh gơs mờ bơtàu tơnguh uă anih suơn dờng lơh sa suơn sre tơrgùm bal. Uă phan lơh gơs bơh suơn sre tờm ngan geh bơta kuơ lơh sa uă neh tac tus 40 lơgar, kơnhoàl ù tiah. Tŭ do, càr geh 3 tiah lơh sa mờ măi mok, mờ rơndap ù tiah lơh 23 kụm lơh sa mờ măi mok. Khà phan bơh suơn sre tàm càr li la, kơ̆ kơljap bè: kơphe, kau su, tàu, bùm blàng, ce, plai chi… lơh gơlik bơnàng jă nàng bơtàu tơnguh lơh sa mờ măi mok lơh gơlik phan.

Tàm pơrjum, ala mat ală mpồl gơ wèt Ƀộ Kông thương, mpồl tam klac bal ală gah lơh phan mờ ală cau bơcri priă, mpồl lơh sa kă bro neh tam pà uă jơnau đơs nàng bơtàu tơnguh broă drơng ala Logistics tàm Gia Lai. Ală kwang bàng đơs là, pal tơnguh rlau tai jơnau git wă bè Logistics, bơta kuơ broă drơng ala Logistics gơ wèt mờ bơtàu tơnguh lơh sa- mpồl bơtiàn, ai tơlik lài gùng dà lơh sa kă bro gơ jat bal  mờ chồl pràn bơtàu tơnguh ală mpồl Logistics mờ lơh broă bal đah ală mpồl lơh sa kă bro tàm càr mờ bơdìh càr.