Do là nam dơ̆ 9 broă lơh “Tam pà bal mờ pơgru” geh bơyai lơh. Dùl tàm ală broă lơh geh pơn rơ ngan bơh broă lơh do dê là dơ̆ lòt còp ală cau pơgru tàm xã kal ke tiah I, tiah II, tiah III gơ wèt tiah làng bol jơi bơtiàn dùl êt nă cau mờ tiah kơh bơnơm. Broă lơh “Tam pà bal mờ pơgru” bơh mpồl tam klac ơruh pơnu dà lơgar Việt Nam pơgồp bal mờ Ƀộ Giáo zụk mờ Đào tạo, Ủy ƀan Jơi bơtiàn mờ Tập đoàn Thiên Long bơyai lơh dơ̆ sơn rờp tàm nam 2015, tus tŭ do, broă lơh neh jờng rơ 458 nă pơgru geh pơn rơ jak geh uă tă pơgồp tàm broă bơto bơtê kơnòm bơsram tàm ƀòn lơgar, lơh gơlik ală bơta tam gơl niam ngan bè cồng nha bơto bơsram; geh nùs nhơm kơ̆ dơ̆n sơrlèt gan kal ke, jơh nùs mờ broă lơh bơto bơsram, geh kơnòm bơsram, mè bèp kơnòm bơsram, mpồl bơtiàn sền ngềr, kờñ gơboh ngan.