Buôn Ma Thuột ngan ngồn ai rơndeh lòt rê Gùng dờng tiah đah mat tơngai lik tiah đah mat tơngai mut (tam gơl mat là gùng Võ Nguyên Giáp)
Thứ ba, 15:51, 31/10/2023
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV4.K'Ho- Tơnơ̆ uă dơ̆ ơm ing ờ jat tŭ tơngai hơ pơrgon, drim ngai 30/10, ƀòn dờng Buôn Ma Thuột, càr Dăk Lăk bơyai lơh sơn đờm ai ngui gùng đah mat tơngai lik đah mat tơngai mut (tam gơl mat là gùng Võ Nguyên Giáp) tàm tơrbŏ bal đah tiah tờm ƀòn dờng mờ Ƀlàng rơndeh par Buôn Ma Thuột mờ gùng dờng 27 lòt càr Lâm Đồng.
Kờp jơh priă bơcri lơh gùng do tơnơ̆ uă dơ̆ tam gơl là rlau 1 rbô 239 tơmàn đông, gơl gùng jòng 6,9 kơi sồ, anih sơn đờm bơh sơnĕ tàm tìp gùng Lê Duẩn- Đinh Tiên Hoàng mờ anih dut ndơl tàm tiah tàm tìp gùng dờng 27 mờ gùng Đam San mut tàm Ƀlàng rơndeh par Buôn Ma Thuột.
Broă ngan ngồn ai ngui gơl gùng do geh gơtha dờng màng ngan tàm broă sơlơ tơnguh tai tàm tơrbŏ gùng lòt đah ală tiah tàm càr, lơh gơs gùng lòt tờm tiah đah mat tơngai lik – tiah đah jum ƀlàng rơndeh par Buôn Ma Thuột; rơhời pờ ơnàng ù tiah tiah drà bơh ƀòn dờng dê, lơh gơlik bơta niam nàng bơtàu tơnguh gùng lòt tiah gùt dar gơl gùng in. Mờ kung tơrmù ƀà bơta kơn jơ̆ khà rơndeh rơndồ lòt tàm ală gơl gùng tiah tờm ƀòn dờng tàm tŭ jơ geh cau lòt rê.
Viết bình luận