Jăt mờ hơ̆, ồng Đinh Xuân Hà, Kwang atbồ Sở Kế hoạc mờ Đầu tư guh at gơnoar broă Kwang atbồ lùp sền càr. Ồng Võ Ngọc Tuyên, Ƀí thư Huyện ủy Lăk guh at gơnoar broă Kwang atbồ Sở Kế hoạc mờ Đầu tư.

Đơs tàm dơ̆ lơh broă, Củ tịc UɃÑZ càr Dăk Lăk kơ̆p kờñ, tàm gơnoar broă pa, bàr nă ồng pal pơn jăt tai gàr kơl jăp nùs nhơm cíñ trị, ngui niam nùs nhơm, kơnòl, bơta pràn neh geh lài; lơh ngan sùm, bơsram bal mờ tơnguh uă kơnòl broă geh jào, ală jơnau kờñ, bnroă rơndăp lơh geh ai; bơ̆t bơtàu anih lơh broă ngai sơlơ bơtàu tơnguh. Đơs tàm dơ̆ dờp kơnòl broă, Kwang atbồ pa geh pồ lùp sền càr Dăk Lăk Đinh Xuân Hà mờ Kwang atbồ pa geh pồ Sở Kế hoạc mờ Đầu tư Võ Ngọc Tuyên tơlik nùs nhơm pơnyờ să tŭ geh pin dờn jào kơnòl broă pa.