Gam ờ tơl 1 poh tai là dơ̆ pơrlòng jơh bơsram kấp pe nam 2023 geh mùl màl bơyai lơh. Ală hìu bơsram kấp pe tàm càr Dăk Lăk neh lơh gơs ală bơnah broă dŭt ndơl, nàng gàr niam dơ̆ pơrlòng geh bơyai lơh lơngăp lơngai, niam. Dơ̆ pơrlòng jơh bơsram kấp pe nam do, càr Dăk Lăk geh 33 anih pơrlòng mùl màl mờ rơlao 21 rơbô 100 nă cau tus pơrlòng, geh mờr 3 rơbô nă kwang bàng, cau pơgru sền pơrlòng, jăt sền mờ drơng broă tàm ală anih pơrlòng.

Ồng Phạm Đăng Khoa, Kwang atbồ Sở Giáo zụk mờ Đào tạo càr Dăk Lăk pà git: Sở neh lơh geh ală mpồl kwang bàng tus lùp sền lài mờ dơ̆ pơrlòng bè ală bơta nàng gàr niam ai dơ̆ pơrlòng in; bơsram tàp bơta ngăc ngar ai kwang bàng sền pơrlòng; tơnguh broă yal mblàng nàng yal di tŭ, tơl bè ală bơta pa tàm dơ̆ pơrlòng tus mờ cau pơgru bal mờ kơnòm bơsram in. Pơgồp bal nền nòn mờ ală gah lơh broă nàng rơcang lơh ală gùng dà broă lơh nàng gàr niam bơta lơngăp lơngai ai dơ̆ pơrlòng in tơnơ̆ mờ broă gơtìp roh bơta lơngăp lơngai tàm kơnhoàl Cư̆ Kuiñ pa do.