VOV4.K’ho - Drim òr (06/07), tàm Pơrjum dơ̆ 8, Mpồl đơng lam Đảng ƀộ càr Dăk Nông khoă 12, tơngai lơh broă bơh nam 2020 tus 2025, Ƀan Thường vụ Tỉñ ủy neh yal kơrnoăt crơng gơs Mpồl đơng lam sơndră mờ sa kuề sa koà, bơta ờ niam càr Dăk Nông dê.

     Ồng Ngô Thanh Danh,kwang atbồ mpồl đơng lam sơndră mờ sa kuề sa koà, bơta ờ niam càr Dăk Nông

Mpồl đơng lam sơndră mờ sa kuề sa koà càr Dăk Nông geh 15 nă kwang bàng, tàm hơ̆ geh: 1 kwang atbồ mpồl, 5 phó kwang atbồ mpồl mờ 9 kwang bàng lơh broă. Ồng Ngô Thanh Danh, Ƀí thư Tỉñ ủy, kwang atbồ Mpồl kwang bàng Quốk hội càr lơh kwang atbồ mpồl đơng lam sơndră mờ sa kuề sa koà, bơta ờ niam càr Dăk Nông. Gơnoar, kơnòl, broă bơyai lơh bơh mpồl kwang bàng, tơngai lơh broă, broă lơh bal bơh mpồl đơng lam sơndră mờ sa kuề sa koà, bơta ờ niam càr lơh jăt Kơrnoăt bơh Ƀan Ƀí thư Đảng dà lơgar mờ kơrnoăt bơh Ƀan Thường vụ Tỉñ ủy dê.

Cau mblàng Ndong Brawl