Mpồl Yal tơngĭt jơnau tam lơh ƀòn dờng Hồ Chí Minh pơgồp bal bơyai lơh. 92 nă cau tus bal dơ̆ tìp mat là ală “ùr kơ̆ dơn” tus bơh ală mpồl: Tân Uyên, Dầu Tiếng, Bến Cát, Thuận An mờ Châu Thành.

Tàm tơngai tam lơh cui rơcai, ală ùr ơruh sơnam 20 hơ̆ neh lời wơl tơngai kơnòm să he dê, tus bal ià ngkơr phài, ơm tàm tiah tam lơh nàng lơh geh ală jai pha pơn rơ ngan, pơgồp bơnah cih tai pang kah yau kwơ màng tơngklàs jơi bơtiàn, tơrgùm dùl Dà lơgar. Ală sŏ tàm bồ tŭ do neh kò, ală yô mpàng tê neh mprơm, mơya tŭ đơs tus bè rài “sa tàm brê bĭc tàm brong”, mat cau lơi kung chờ hờp bơta pin dờn pơn yờ să.