Pe nhai bồ nam 2026, tiah kềng gah dà lềng đah mat tơngai lik càr Dăk Lăk gàr sùm khà gơguh niam, geh mờr 8%, mờ kờp jơh priă lơh geh bơh broă lơh sa kờp dŭ geh mờr 1 rbô 500 tơmàn đong. Broă lơh kă bro phan, broă drơng ala mờ lòt nhơl geh bơta tam gơl niam, wă bơh 150 rbô tus 200 rbô dơ̆ nac, priă lơh geh rlau 200 tơmàn đong.

Đơs tàm dơ̆ lơh broă, ồng Đỗ Hữu Huy, Củ tịc Anih duh broă Làng bol càr Dăk Lăk đơs sùm, tiah kềng gah dà lềng đah mat tơngai lik là ù tiah bơtàu tơnguh kuơmàng, geh gơtha là gah bơtàu tơnguh bơh càr dê tàm tŭ tơngai pa. Nàng ngui geh cồng nha bơta pràn, jơnau sồr geh ai tơlik là pal tơrgùm tă bơsong jơh ală bơta gơ kòl gam lơh kơryan tus bơta bơtàu tơnguh.