Tàm dơ̆ tìp mat cau tĕ khà, Thủ tướng ồng Lê Minh Hưng pà git, geh cau tĕ khà ƀòn dờng Hải Phòng pin dờn pồ lơh cau ala mat Quôk hội là bơta pơn yờ să dờng ngan gơ wèt mờ să tờm ồng Thủ tướng mờ ală cau ala mat Quôk hội. 

Thủ tướng đơs là, Dơ̆ pơrjum dơ̆ Dùl, Quôk hội khoă XVI geh gơtha kuơmàng ngan, mut tàm tŭ tơngai pa, lơh nền tus tơnơ̆ do bơtàu tơnguh dà lơgar, ƀòn lơgar dê, tàm hơ̆ geh ƀòn dờng Hải Phòng. Mờ kơnòl là cau lam bồ Cíñ phủ mờ cau ala mat Quôk hội bơh ƀòn dờng Hải Phòng dê, Thủ tướng đơs sùm rơp sùm lòt bal mờ Đảng ƀộ, gơnoar atbồ mờ làng bol ƀòn dờng; bal mờ mpồl Cíñ phủ lơh ngan lam lơh tus geh ală jơnau kờñ bơtàu tơnguh bơh dà lơgar dê, tàm hơ̆ geh ală jơnau kờñ, kơnòl broă mờ bơta kơp kơnờm bơtàu tơnguh bơh ƀòn dờng Hải Phòng dê.