Dơ̆ pơrjum tơrgùm sền wơl, cri bơyai pe tơngu me tờm, tàm hơ̆ geh: Jơnau yal tơn jơh broă lơh jăt Jơnau pal jăt lơh broă tơngai bơh nam 2021 tus 2026 mờ gùng dà tàm tơngai lơh broă pa; Jơnau rơcang cih Jơnau pal jăt lơh broă tơngai bơh nam 2026 tus 2031; bal mờ Rơndăp broă, Broă lơh jơh gùt tơngai lơh broă bơh Mpồl duh broă dê.

Ală jơnau đơs tàm pơrjum đơs di pal, tơl ală bơta tàm cồng nha neh lơh geh tàm tơngai lơh broă lài, mờ ai gŏ loh làng ală broă lơh gam ờ pràn, gơrềng tus mờ kơrnoăt tàm pơgồp bal, broă yal tơngit jơnau yal, gùng dà broă rơcang tơngu me, kung bè bơta niam kơlôi sơnơng, yal lài mờ pơlam. Mpồl duh broă ai geh ală gùng dà broă lơh nàng tơnguh uă cồng nha lơh broă, gàr niam broă bơsong di tơngai, geh cồng nha ală bơta geh bal tàm ală gah broă, ală gah tàm bơta pa.