Thủ tướng đơs niam broă lơh ngan, ai geh bơta pràn mờ ală cồng nha kwơ màng neh geh lơh bơh Ƀộ Niam chài, Tàp pràn să jan mờ Lòt nhơl neh lơh geh tàm broă lơh jăt broă lơh, broă rơndăp lơh mờ ală kơnòl broă geh jào; tàm hơ̆ uă ngan là rơcang pơlam, yal geh broă geh ai, tus bal lơh jăt Jơnau lơh nền tàm pơrjum sồ 80 bơh Ƀộ Cíñ trị dê bal mờ yal Pơrjum dơ̆ sơnrờp Quốk hội khoă XVI ai geh Jơnau lơh nền tàm pơrjum bè broă bơtàu tơnguh niam chài.

Tàm tơngai tus, Thủ tướng đơs là pal sền gròi ngan broă bơ̆t bơtàu Đảng ƀộ kloh niam, pràn kơl dang tơl ală bơta; tơnguh uă kơnòl cau lam bồ ală mpồl lơh broă. Thủ tướng kung sồr lơh pràn broă lơh jăt broă lơh jơnau kờñ dà lơgar dê bè niam chài, lơh jăt di pal jơnau kờñ, di mờ jơnau geh ai, khà broă, cau geh dờp. Lơh geh bơta pràn tàm broă bơtàu tơnguh tàp pràn să jan; bơcri priă tơrgùm bal. Bơ̆t bơtàu tai, tơnguh uă bơta niam bal mờ bơta pràn tàm pơrlòng, ai broă lòt nhơl mùl màl gơs gah lơh sa tờm.