Tàm hìu ƀồc Tổng Ƀí thư ồng Nguyễn Văn Linh, Tổng Ƀí thư, Củ tịc lơgar ồng Tô Lâm tơlik nùs nhơm ki ngàn ngan gơwèt mờ kwang đơng lam pơnrơ jăk ngan bơh rài tam gơl pa, cau neh bal mờ Đảng Dà lơgar ai geh mờ bơyai lơh geh gùng dà broă lơh di pal, pơgồp bal mờ broă ai dà lơgar sơrlèt mờ kal ke, rơhời bơtàu tơnguh.

Mpồl tus chu ñàng kah kơlôi tus ƀồc Củ tịc Mpồl duh broă Dà lơgar lài do ồng Võ Chí Công, kwang đơng lam đờn song, geh uă broă lơh pơgồp bal tàm broă tam dră geh bơta khăt gơboh is, tơrgùm dùl dà lơgar. Mpồl tus chu ñàng tàm hìu ƀồc Củ tịc Mpồl duh broă Ƀộ trưởng ồng Phạm Hùng bal mờ ƀồc Tổng Ƀí thư ồng Lê Duẩn, tơlik nùs nhơm ưn ngài uă ngan, mờ còp să đềt mềr ală cau tàm hìu nhă. Mpồl kung kah kơlôi ƀồc Thủ tướng ồng Võ Văn Kiệt mờ Đại tướng, Củ tịc lơgar ƀồc ồng Lê Đức Anh. Broă lơh do pơgồp bal tàm broă jờng rơ rài kwang bàng lài do, bơto bơtê bơhiàn kờñ gơboh dà lơgar, tơnguh kơnòl broă tàm broă bơ̆t bơtàu mờ sền gàr Dà lơgar.