Jơnau yal tàm pơrjum pà gŏ, 6 nhai do, khà gơguh lơh sa càr Dăk Nông geh 5,23%, ờ uă rơlao ngan mờ broă rơndăp lơh geh ai là 7,5%. Tă tàm kes priă mìng geh di pơgăp 1 rơbô 550 tơmàn đong, gơmù tus 20,5% pơn drờm mờ tŭ do nam lài. Broă tă priă bơcri dà lơgar bơh càr dê lơyài, khà gơguh lơh ală broă lơh jăt jơnau kờñ dà lơgar tìp uă kal ke bè jơnau yal jăt, broă lơh.

Tàm tŭ hơ̆, broă rơndăp ù tiah, broă rơndăp ngui ù lơyài, broă rơndăp ù tiah lơh bausid gơrềng uă ngan tus mờ broă tơnguh bơtàu lơh sa mpồl bơtiàn càr dê. Đơs tàm pơrjum, ồng Lưu Văn Trung, Củ tịc HĐÑZ càr Dăk Nông sồr ală kwang bàng tàm HĐÑZ càr cri bơyai, lơh loh ală bơta gơlik geh, tàm hơ̆ uă ngan là bơta gơlik geh bơh să tờm bơh ală broă gam ờ pràn, gơmù tàm broă tă priă bơcri dà lơgar dê. Bơh tŭ hơ̆ ai geh broă lơh nàng tơmù, lơh pràn broă tơnguh bơtàu lơh sa mpồl bơtiàn.