Tàm càr Gia Lai, tàm drim ngai 27/6, Tỉñ Đoàn càr Gia Lai neh bơyai lơh dơ̆ ai cau lòt lơh broă “Bơto pơlam- dong kờl tơngai pơrlòng” nam 2023 mờ ală mpồl tus bal dong kờl is nàng dong kờl 40 tàm 41 tiah pơrlòng.

Broă lơh geh bơta tus bal bơh 310 nă cau tus bal dong kờl is tus bal bơh ngai 27/06 tus jơh ngai 29/06, mờ ală tơngume tờm: dong kờl ală cau pơrlòng geh rài kis kal ke ngan. Yal tơngĭt hìu ơm apah ờ sa priă, hìu ơm apah giă priă ờ kas, tiah sào sa ờ uă priă gàr niam bơta sàng goh, kloh niam phan ngui sa, dong kờl dà hùc ờ sa priă ai cau pơrlòng mờ hìu bơnhă cau pơrlòng in; jun rò cau pơrlòng tàm ală tiah pơrlòng, dong kờl bơto pơlam, sơñio gùng lòt. Pơgồp bal mờ mpồl lơh broă geh gơnoar bơto pơlam, tàm pà gùng lòt gàr geh lơngap lơngai gùng lòt tàm ală tiah pơrlòng.