Mờ kờp jơh bă brê geh is tŭ do geh rlau 547 rbô 700 lồ brê bal mờ rlau 61 rbô lồ brê tam, tàm uă tiah bơh càr Kon Tum dê tàm tơngai do neh sơn đờm gơlik geh bơta ro kơnrañ, pơhìn ƀuơn ngan gơlik geh ồs sa brê. Tềng đap bơta pơhìn ƀuơn gơlik geh ồs sa brê, Ủy ƀan Ñân zân càr Kon Tum sồr sơlơ tơnguh tai ală broă lơh jal mhar nàng rơcang sơndră, crùh ồs sa brê. Jat hơ̆, Ủy ƀan Ñân zân càr Kon Tum sồr gơnoar atbồ ală kâp, mpồl kwang bàng, ling klàng, mpồl lơh sa kă bro tam kau su tàm ù tam sền gàr brê mờ ală mpồl tờm brê lòt sền, kờp sền rơndap broă rơcang sơndră, crùh ồs sa brê; rơcang lài ai cau lơh broă, phan bơna tơl nàng nàng sơndră mờ jơnau digơlan gơlik geh ồs sa brê; ai priă jền kâp hơ đơm in mờ ală bơnah priă dipal ndai nàng gàr lam lơh niam broă lơh rơcang sơndră, crùh ồs sa brê jat jơnau đơs “4 tơn tàm dùl anih”; git nền ală tiah kuơmàng geh jơnau pơhìn gơlik geh ồs sa brê uă nàng ai cau lơh broă, phan bơna rơcang lài kơryan mờ bơsong di tŭ ală dơ̆ ồs sa brê; ai cau ơm gak, jàu kơnòl mpồl gròi sền sùm tàm jơh gùt kàl prang ro kơnrañ…