Càr Kon Tum mờ càr Rattanakiri lơgar Campuchia kĭ hơ tơnguh broă lơh broă bal tơngai bơh nam 2023 tus 2028
Thứ sáu, 08:15, 20/10/2023
Cau mblàng Ndong Brawl/Cau cih VOV Tây Nguyên
Cau mblàng Ndong Brawl/Cau cih VOV Tây Nguyên
VOV4.K’Ho- Nàng tơnguh broă lơh broă bal nàng bơtàu tơnguh bal, drim òr (19/10), tàm ƀòn dờng Kon Tum, Mpồl kwang bàng ala măt kấp dờng càr Kon Tum mờ Mpồl kwang bàng ala măt kấp dờng càr Ratanakiri, lơgar Campuchia neh bơyai lơh Pơrjum yal tơngit bè lơh sa mpồl bơtiàn bơh tơl càr dê, sền wơl cồng nha lơh broă bal đah bàr càr tàm tơngai do, ai geh gùng dà broă lơh pơgồp bal tàm tơngai tus mờ kĭ hơ bal Sră nggal Pơrjum bè broă tơnguh bơta git gơ̆p lơh broă bal đah bàr càr tơngai bơh nam 2023 tus 2028.
Đơs tàm dơ̆ lơh broă, ồng Dương Văn Trang, Kwang geh jơng tàm Đảng Dà lơgar, Ƀí thư Tỉñ ủy, Củ tịc HĐÑZ càr Kon Tum đơs nền nùs nhơm tam klăc bal, lơh bơyô bal ờs mờng, lơh broă bal tơl ală bơta đah lơgar Việt Nam mờ lơgar Campuchia mờ 2 càr Kon Tum mờ Rattanakiri geh gơguh sùm, bơtàu tơnguh gơs rùp rài niam bơnĕ ngan, phan bơna bal kwơ màng. Bè tơngu me lơh broă bal đah bàr càr tàm tơngai tus, tàm nùs nhơm git wă bal, pin dờn bal, ồng Dương Văn Trang hòi jà càr Rattanakiri ai tơl bơta niam nàng cau lơgar Việt Nam gam kis, lơh broă tàm càr Rattanakiri tơrgùm bal, kơl jăp rài kis, pơgồp bal uă rơlao tai tàm broă bơtàu tơnguh càr dê.
Viết bình luận