Càr Kon Tum tŭ do geh rlau 215 rbô nă cau jat yàng, geh mờr 40% khà kờp làng bol gùt càr. Tàm ală nam do càr Kon Tum neh sền gròi, sền sơ wì jat gơnăp gơnoar halà tă pơgồp jơnau đơs ai kâp geh gơnoar in bơsong di tŭ ală jơnau kờñ, jơnau dan, jơnau đơs dipal bơh ală mpồl, cau jat yàng dê. Bơh hơ̆, broă lơh jat yàng ngai sơlơ geh bơta ring niam, lơh jat di jơnau cih bơh adat boh lam dê; làng bol jat yàng jơh nùs tus bal ală broă lơh niam, gàr lơngăp lơngai rài kis mpồl bơtiàn mờ ală srơh tàm pơrlòng kờñ gơboh dà lơgar bơh gơnoar atbồ ală kâp lam lơh…

Đơs tàm dơ̆ tìp mat, kwang đơng lam bồ Ủy ƀan Ñân zân càr Kon Tum kơp kờñ ală cau kơ đơng yàng, cau duh broă yàng pơn jat tau mblàng yal, hòi jà làng bol jat yàng lơh jat niam “kis niam lơh àng sơdah jơnau yàng”, bơt bơtàu, lơh kơ̆ kơljap mpồl tam klac dờng gùt jơi bơtiàn, jơh nùs tus bal ală srơh tàm pơrlòng kờñ gơbohd à lơgar, ală dơ̆ hòi jà bơh ală kâp, ală gah broă lơh lam lơh.