Jơh bă ù toh wơl geh UɃÑZ càr Kon Tum jào UɃÑZ thị trấn Đăk Glei, kơnhoàl Đăk Glei atbồ di jăt mờ kơrnoăt geh ai. Kông ty Kổ phần Thủy điện VGR Ngọc Linh geh kơnòl jào wơl ù, di lah ờ lơh jăt nền nòn geh rồn bơklơn di jăt mờ kơrnoăt tàm adăt boh lam dê.

Geh bơta lơh tus broă UɃÑZ càr Kon Tum tơlik kơrnoăt toh wơl jơh bă ù neh ai Kông ty Kổ phần Thuỷ điện VGR Ngọc Linh ơpah ù, jào ù nàng lơh hìu măi lơh ồs đèng Đăk Ruồi 2 mờ Đăk Ruồi 3 gơrềng tus ală bơta tìs bơh Kông ty do dê, bè: lơyài tàm broă ai ù ngui rơlao 2 nam pơn drờm mờ tơngai geh cih tàm rơndăp broă bơcri priă; ờ lơh sră nggal tơnjŏ tơngai ngui ù; lơh anih lơh broă đơng lam, tiah đơng lam rơndăp broă lơh sàl, cò gùng lơh broă… bơdìh mờ bă ù geh jào, ai ơpah.