Geh bơyai lơh mờ broă lơh pờ tơlik tàm internet mờ tàm tơrbŏ bal mờ anih tờm Pơrjum Ngọc Linh, ƀòn dờng Kon Tum, pơrjum yal cồng nha Pơrjum Dà lơgar 8, khoă XIII mờ yal tơngĭt, bơsram bàr pe Nghị quyết, Cỉ thị bơh Đảng dê bơh Tỉñ ủy càr Kon Tum dê bơyai lơh tàm tơrbŏ bal mờ 128 anih mờ bơta tus bal bơh rlau 6 rơbô 300 nă đảng viên.

Tàm pơrjum, ală Đảng viên iăt jơnau yal bè cồng nha Pơrjum Dà lơgar 8, khoă XIII. Bal mờ hơ̆ ală đảng viên tus bal pơrjum kung geh yal, bơsram bè tơngume Cỉ thị sồ 24, ngai 13/7/2023 bơh Ƀộ Cíñ trị dê bè gàr niam kơ̆ kơl jap lơngăp lơngai Dà lơgar tàm tơngai mut gơrờm bal dunia tơl làm, jrô ơnàng làm uă; Nghị quyết sồ 41, ngai 10/10/2023 bơh Ƀộ Cíñ trị dê bè bơt bơtàu mờ lơh jat niam gơnoar broă bơh mpồl cau lơh sa kă bro Việt Nam dê tàm tơngai pa. Đảng ƀộ càr Kon Tum tŭ do geh 14 Đảng ƀộ gơwèt mờ 668 mpồl Đảng ƀòn lơgar mờ rlau 31 rơbô 300 nă đảng viên.