Rơndăp broă lơh niam wơl, lơh ơnàng gùng koèl kơh Prenn Dà Làc là broă lơh gùng kấp III tiah kơh bơnơm, jòng 7,4 kơi sồ, lơh geh 4 gah rơndeh lòt, gùng ơnàng 15,5 thơ̆k mờ măt gùng ơnàng 14,5 thơ̆k, ơnàng rơlao 2 dơ̆ pơn drờm mờ gùng lài do.

Rơndăp broă lơh gơl gùng do geh priă bơcri rơlao 550 tơmàn đong bơh kes priă càr dê tă lơh, geh Mpồl atbồ rơndăp broă lơh gùng lòt càr Lâm Đồng lơh tờm bơcri priă, tập đoàn Đèo Cả là mpồl geh dờp lơh gùng do. Tŭ do, mpồl lơh gùng gam ai git nđờ rơhiang nă cau bal mờ uă phan lơh broă, măi mŏk lơh sùm ngai kung bè mang nàng mhar gơs. Lơh ngan lơh gơs, ai rơndeh lòt tàm gơl gùng kwơ màng do di lài mờ ngai 28 nhai 12, di tŭ drơng broă kờñ lòt rê ai làng bol bal mờ cau năc lòt nhơl in di tàm Satềp Tây nam 2024.