Liang Khàng tŭ do là Ƀlàng rơndeh par tàm lơgar drơng broă lơh par pơndiang làng bol mờ broă ling klàng, dờp ală rơndeh par dunia ờ bè ờs mờ tàm lơgar bè ờs. Jăt Ủy ƀan Ñân zân càr Lâm Đồng yal, bơh bồ nam tus tŭ do, Ƀlàng rơndeh par Liang Khàng drơng kờp bal 40 dơ̆ rơndeh par tàm lơgar lòt mờ rê pah ngai, mờ khà năc lòt rơndeh par kờp bal 6 rbô 700 nă.

Mìng is ală gùng par dunia, bơh nam 2017 tus tŭ do neh drơng 1 rbô 723 dơ̆ par, mờ kờp jơh mờr 238 rbô nă năc dunia. Bulah bè hơ̆, tŭ do, Ƀlàng rơndeh par Liang Khàng ờ hềt pờ gùng par dunia tus lơgar Singapore, tàm tŭ do là tiah geh bơta pràn uă bè lơh broă bal bơcri priă, bơtàu tơnguh lòt nhơl, rề ơnàng kă bro phan bơna. Den tàng bè hơ̆, Ủy ƀan Ñân zân càr Lâm Đồng sồr Kông ty Bơcri priă bal gah rơndeh par Vietjet pờ gùng par dunia bơh Ƀlàng rơndeh par Liang Khàng tus lơgar Singapore.