Bal mờ Trung tướng, cau ling khin cha jak chài Phạm Tuân, tus bal broă lơh Dong kờl bơta kơp kờñ ai ơruh pơnu, kơnòm pa tàu kơnhoàl Tu Mrông in gam geh ală cau kòn cau Sơdàng jak chài bơh kơnhoàl dê, tŭ do lơh broă tàm uă gah, uă broă lơh krơi is. Bơh ală jơnau yal ngoh rơngac ngan bè nùs nhơm sơrlèt gan kal ke tàm rài kis, tàm broă bơsram sră bơh să tờm he dê, ală cau geh jà tus bal broă lơh neh dong ală kơnòm bơsram sơlơ pin dờn lòt jat bơta kơp kờñ he dê.

Tàm broă lơh, ală nac jà mờ Ủy ƀan Ñân zân kơnhoàl Tu Mrông neh jàu 100 bơnah priă dong kờl bơsram, kờp jơh 55 tơlak đông ai 110 nă kơnòm bơsram geh cồng nha jak tàm broă bơsram sră. Trung tướng, cau ling khin cha jak chài Phạm Tuân pà git, ồng chờ hờp ngan tŭ geh jà tus bal broă lơh mờ lời ai ală jơnau tơngkah kuơmàng ngan dong ală oh sơlơ pin dờn tàm bơta sac rơ wah ai tơngai tơnơ̆ do he dê in.