Drim ngai 07/07, tàm hìu duh broă Cíñ phủ dê, Ƀộ trưởng, Kwang ătbồ Cơldŭ lơh broă Cíñ phủ ồng Trần Văn Sơn lơh broă mờ Ƀộ Giao thông Vận tải bè cồng nha lam lơh broă lơh gròi sền lơh sră nggal mờ gàr niam jơnau yal tơngĭt jơnau drơng broă lơh đơng lam, sồr lơh, đơng pơlam bơh Cíñ phủ, Thủ tướng Cíñ phủ dê.

Pơndŭt dơ̆ lơh broă, Ƀộ trưởng, Kwang ătbồ Cơldŭ lơh broă Cíñ phủ ồng Trần Văn Sơn sồr Ƀộ Giao thông Vận tải lơh pràn lơh tam gơl pa jơnau sồr, lơh sră nggal; di tŭ tă bơsong kal ke, bơta gơkòl tàm broă lơh sa, kă bro mờ rài kis làng bol dê; lơh sră lơh jăt ală broă lơh lơh tam gơl pa neh geh kâp geh gơnăp gơnoar sền swì ring bal pal lơh di tơngai, lơh geh bơta niam neh sồr. Sền gròi koh tơrmù, lơh ƀalhiă uă ală sră nggal tàm dơlam is nàng tơnguh uă cồng nha, lơh gơtùi tàm broă lơh bơh gah gùng lòt rê mờ jun pơndiang dê.