Broă lơh do geh ai tơngŏ bơta tờm là Củ tịc lơgar neh cri bơyai mờ Mpồl duh broă Bơta git gơ̆p lơh broă bal mờ lơgar ndai lơgar Mỹ dê, bơyai lơh geh di pơgăp 5 rơbô nă kwang bàng, tàm hơ̆ geh uă kwang bàng kấp dờng cíñ trị lài do bal mờ ală kwang bàng cíñ trị, geh gơrềng uă ngan tus mờ broă lơh, lơh broă bal mờ lơgar ndai bơh lơgar Mỹ dê.

Gơtùi đơs dơ̆ tus bal Poh kấp dờng APEC mờ pơgồp bal ală broă lơh bal đah bàr lơgar bơh Củ tịc lơgar Võ Văn Thưởng, Pơ-ùr mờ mpồl kwang bàng kấp dờng lơgar Việt Nam neh geh cồng nha niam bơnĕ ngan, pơgồp bal tàm broă tơnguh bơngă lơh broă bal mờ lơgar ndai bơh lơgar Việt Nam bal mờ tàm APEC mờ dunia dê, mờ pơgồp bal mùl màl tàm broă lơh Jăt jơnau yal bơr bal bè Tam klăc bal jŏ jòng Tơl ală bơta đah lơgar Việt Nam mờ lơgar Mỹ geh Tổng Ƀí thư Nguyễn Phú Trọng mờ Kwang atbồ lơgar Mỹ Joe  Biden ring bal ai lơh tàm nhai 9 lài do.