Tus còp mờ lơh broă tàm càr Gunma, Thủ tướng  Phạm Minh Chính pà gĭt ồng kờñ ngan mờ ală cồng nha bơtàu tơnguh lơh sa- mpồl bơtiàn bơh càr dê, mờ gơnoar broă là dùl tàm ală anih tờm bơtàu tơnguh lơh sa mờ măi mok dờng ngan rlau jơh bơh lơgar Nhờk dê. Thủ tướng jờng rơ uă ngan gơnoar atbồ càr neh sùm jơh nùs, rcang lài chồl tơnguh lơh broă bal mờ đah lơgar Việt Nam tàm tơl gah broă. Tơngai tus, Thủ tướng kơ̆p kờñ ală mpồl lơh sa kă bro càr Gunma, lơgar Nhờk, mờ bơta mờng chài lơh broă, bơta ƀuơn, bơta pràn mờ bơngă pin dờn bơh he dê, rơ̆p pơn jat tai dong kờl, lòt bal mờ Cíñ phủ mờ ală mpồl lơh sa kă bro lơgar Vịệt Nam rề ơnàng broă lơh lơh broă bal bơcri priă tàm ală gah broă mờ 2 gah geh uă bơta ƀuơn, bơta pràn, mơkung lơh geh ală gah lơh broă bal pa.

Jờng rơ lơgar Việt Nam là dùl drà kă bro gơ kờñ ngan mờ bơtàu tơnguh, Kwang atbồ càr Gunma đơs nền rơ̆p pơn jat tai lam mpồl lơh sa kă bro còp lơgar Việt Nam; chồl tơnguh lơh broă bal bơcri priă, kă bro đah 2 lơgar; kơ̆p kờñ Cíñ phủ Việt Nam lơh geh ală bơta nàng mpồl lơh sa kă bro càr Guma in bơcri priă ƀuơn ƀoài tàm lơgar Việt Nam mờ geh uă rlau tai mpồl lơh sa kă bro lơgar Việt Nam bơcri priă tàm càr Gunma.