Mpồl bơyai lơh dơ̆ cribơyai neh dờp geh rlau 40 jơnau cih tă pơgồp jơnau đơs bơh ală cau neh tus bal tàm dơ̆ tam lơh kah yau mờ ală cau khoa họk dê. Bơta kwơ màng ù tiah mờ bơta hòi jà geh ngan bơh kah yau dê neh lơh Quảng Trị gơ gơs ù tiah geh gơnoar broă tờm bè cíñ trị, ling klàng tàm broă lơh bơt bơtàu dà lơgar mờ sền gàr dà lơgar. Tiah do dùl rài geh sền là “ù tiah tờm tam lơh”, “sền gàr tiah nhàr lơgar”, “ tiah nhàr lơgar”, tàm rài kah yau neh lơh tềl tŭ tơngai là tiah lơh Anih lơh broă Cíñ phủ Kăc màng ing Kộng hoà tiah đah Jum dà lơgar Việt Nam dê bơh nam 1973-1975.

Ồng Nguyễn Đăng Quang, Phó Ƀí thư Thường trực Tỉñ ủy Quảng Trị tơngŏ bơta kơ̆p kờñ, bơh dơ̆ cribơyai do, ală sră nggal, jơnau đơs khoa họk rơ̆p geh cribơyai, mblàng nàng sơlơ lơh loh rlau tai bè cơng tàng kah yau, gơnoar broă bơh Cíñ phủ kăc màng ing Kộng hoà tiah đah Jum dà lơgar Việt Nam dê tàm rài tam lơh mờ lơgar Mỹ, dong klàs dà lơgar.