Ală jơnau cih đơs tàm Cribơyai sơñio loh ală bơta ờ hềt pràn mờ jơnau đơs broă lơh nàng kờñ sơlơ pơgồp bal uă gah lơh jat ală jơnau kờñ mờ kơnòl broă bơh Rơndăp broă lơh dà lơgar uă gah Dùl pràn kơl dang să jan.

Thứ trưởng Ƀộ Nông nghiệp mờ Phát triển Nông thôn ồng Phùng Đức Tiến đơs nền, Cribơyai đơs nền tai jơnau hơ sơlơ lơh broă bal tàm gah rcang sơndră kòp bơtờp bơh phan poan jơng tus mờ kòn bơnus; sơlơ geh gơnoar broă lam lài, đơng lam mờ đơng lam pơgồp bal bơh Ƀộ Nông nghiệp mờ Phát triển Nông thôn dê gơwèt mờ Tơngume lơh broă bal Dùl pràn kơl dang să jan bè rcang sơndră kòp bơtờp bơh phan poan jơng tus mờ kòn bơnus; hòi jà ală gah rcang lài, jơh nùs pơgồp bal mờ dong kờl bal mờ gơ̆p tàm broă rcang sơndră kòp.