Đơs tàm dơ̆ cribơyai, Thủ tướng Cíñ phủ ồng Phạm Minh Chính đơs sùm, bol he neh geh iăt bàr pe jơnau đơs jrô ơnàng ngan, di ngan mờ bơta geh ngan mờ jơnau sồr, jơnau dan bơh ala măt mpồl lơh sa kă bro, cau bơcri priă dê. Kwơmàng neh geh iăt Phó Thủ tướng lơgar Lo ồng Lưu Quốc Trung đơs, tàm hơ̆ geh jơnau pơlam gùng, broă lơh chồl tơnguh gĭt gơ̆p kă bro, bơcri priă đah 2 lơgar. Thủ tướng sồr ală Ƀộ: Kế hoặc mờ Đầu tư, Kông thương mờ ală anih lơh broă geh gơrềng bơh lơgar Việt Nam dê mhar tơrgùm wơl, iăt kơno jơh ală jơnau đơs dipal nàng kờp sền wơl, lơh sir gùng dà broă lơh, adat boh lam, lơh niam wơl tiah bơcri priă lơh sa kă bro; mơkung sồr ală ƀộ, anih lơh broă geh gơnoar bơh 2 lơgar dê mhar kờp sền, lơh sir ală hịêp địñ, tơngume lơh broă bal nàng ai tơl bơta ƀươn ai mpồl lơh sa kă bro in đơs bal, tàm hơ̆ geh mpồl lơh sa kă bro lơgar Việt Nam.