Jat jơnau đơs tàm pơrjum, bulah gam uă kal ke, mơya mờ bơta lơh ngan bơh jơh gùt anih lơh broă cíñ trị dê, càr Gia Lai kung gam gàr sùm bơta kơ̆ kơljap. 14 tàm 21 broă jàu bè lơh sa- mpồl bơtiàn neh lơh gơtùi mờ sơrlèt rlau broă rơndap lơh ai tơlik. Pơrjum do, Hội đồng Ñân zân càr Gia Lai rơp sền sơ wì ală jơnau yal lam lơh jat kơnòl broă nam 2023 mờ gùng dà ai tơlik lài nam 2024 in bơh Duh broă sùm Hội đồng Ñân zân càr, Ủy ƀan Ñân zân càr. Kuơmàng, pơrjum rơp bơyai lơh ai sră đùh pin dờn gơnoar broă gơ wèt mờ ală cau at gơnoar broă geh Hội đồng Ñân zân càr pồ; lam lơh lùp mờ hơ jơnau lùp jat jơnau sồr.

Đơs tàm pơrjum, ồng Y Thanh Hà Niê Kdăm – Củ tịc Hội đồng Jơi bơtiàn bơh Quôk hội dê kơp kờñ Hội đồng Ñân zân càr Gia Lai pơn jat tai kơ̆ dơn, jơh nùs tàm broă lam lơh geh cồng nha ală broă lơh bơtàu tơnguh lơh sa- mpồl bơtiàn; tă bơsong ală kòl yan, lam lơh niam kơnòl broă; tơrgùm lam lơh 3 broă lơh jơnau kờñ dà lơgar; đơng lam kràñ cê broă lơh ai priă bơcri dà lơgar.