Đơs tàm dơ̆ tơngkah kir sơnrai, ala mat Kwang đơng lam bồ Đảng, Dà lơgar, mò Võ Thị Ánh Xuân jơh nùs jờng rơ mờ nting bơr gờm chờ ală cồng nha jak ngan mờ ală rơnàng kwang bàng, cau ling tàm mpồl kảñ sát rơcang gàr Kwang àng làng bol neh lơh ngan lơh geh tàm sùm 70 nam do. Mò Võ Thị Ánh Xuân đơs loh, tơngai tus, ală broă tàm dunia pơn jat tai gơlik geh mhar, kal ke mờ ờ gơtùi git lài.

Mò Võ Thị Ánh Xuân sồr Mpồl kảñ sát rơcang gàr Kwang àng làng bol lơh jat nền nòn bơta đơng lam bồ tơn tàm jơh ală bơta bơh Đảng dê mờ atbồ là Tổng Ƀí thư ồng Nguyễn Phú Trọng; bơta atbồ tơrgùm bal, ring bal bơh dà lơgar dê; bơta đơng lam bồ, sền lơh bơh Đảng ủy Kwang àng dà lơgar, Ƀộ Kwang àng dê mờ bơta jat sền bơh làng bol dê gơ wèt mờ mpồl kảñ sát rơcang gàr.