Củ tịc lơgar mờ Pơ ùr sa ƀañ bùñ Niam să tàm Tokyo, lơgar Nhờk
Thứ tư, 08:30, 29/11/2023
Cau mblàng: K'Duẩn/ VOV
Cau mblàng: K'Duẩn/ VOV
VOV4.K'Ho - Di dơ̆ lòt còp ngan ngồn lơgar Nhờk, drim ngai 28/11, Củ tịc lơgar Võ Văn Thưởng mờ Pơ ùr neh lòt còp hìu tac phan sa “Ƀañ bùñ Niam să” bơh 2 nă cau bơsram lơgar Việt Nam tàm lơgar Nhờk lài do sơn đờm mut lơh broă mờ gam lơh geh ală cồng nha niam ngan.
Hơ̆ là bàr nă oh mi tờm Bùi Thanh Duy (37 sơnam) mờ Bùi Thanh Tâm (32 sơnam), cau ƀòn tờm càr Quảng Nam. Lơh bơh nam 2016, tus tŭ do mat kă bro “Ƀañ bùn Niam să” neh bơtàu tơnguh gơs 15 hìu tac phan tàm gùt lơgar Nhờk, bơh hơ̆ yal tơnggit phan sa bơkah krơi is ngan bơh lơgar Việt Nam dê tàm “ù tiah bơkàu Anh đào”, mờ kung yal tơnggit niam chài mờ jơh bal bơta jơh nùs, bồ tơngoh jak bơh cau kơnòm să Việt Nam dê tus dà lơgar Nhờk. Củ tịc lơgar Võ Văn Thưởng mờ Pơ ùr, bal mờ ală kwang bàng, nac lơgar Nhờk neh sa ală phan sa bơkah tiơng pơn rơ lơgar Việt Nam dê bè bañ bùñ, mì Quảng, phở, dà kơphê, gỏi pồt, cè…
Viết bình luận