Bàr gah neh tơm bơh bơr tơl làm ală pơlam gùng dờng, gĭt nền ală broă lơh loh làng nàng kờñ sơlơ lơh broă bal tai mờ tơngguh broă gĭt gơ̆p tàm tơngai tus. Bàr gah neh dồ nùs bal pal pơn jăt tai lơh sùm tàm pơgơl mpồl kwang bàng ală kâp lòt còp bal mờ gơ̆p, lơh pràn lơh broă bal tàm ală broă lơh sa, bơto bơtê mờ bơsram, jak chài mờ măy mŏk, lơh broă, niam chài- tàp pràn să jan- lòt nhơl mờ tìp măt lơh kwèng bal làng bol.

Củ tịc lơgar ồng Lương Cường pà gĭt: Bàr gah neh gĭt nền jơnau kờñ tơngguh uă cồng nha lơh broă bal bơcri priă mờ priă geh bơh kă bro phan đah 2 gah; lơh jăt wil tơl ală jơnau ring bal bàr lơgar neh kĭ halà lơh bal, is ồn ngui jơh uă ngan tơl tŭ niam bơh Jơnau hơ nền bal Kă bro phan khăt gơboh đah Việt Nam mờ EU gam hòi là EVFTA; lơh jăt niam gơnoar broă bơh ală mpồl lơh broă bal dê, tàm hơ̆ geh Anih duh broă ală Cíñ phủ bè lơh broă bal lơh sa mờ jak chài – măy mŏk. Mờ bàr gah kung dồ nùs bal pờ tơlik ală broă lơh broă bal pa mờ lơgar Bulgaria geh bơta pràn mờ Việt Nam geh jơnau kờñ bè tam gơl sồ, măy mŏk phan kis tàm broă lơh sa sươn sre mờ lơh sơnơm…