Củ tịc lơgar ồng Lương Cường đơs nền lơgar Việt Nam sùm sền dờng màng gĭt gơ̆p lơh bơyô bal ờs mờng bơh yau mờ lơh broă bal uă bơta mờ lơgar Armenia, geh uă rơnàng kwang đơng lam bồ mờ làng bol 2 lơgar sền gròi mờ bơ̆t bơtàu.

Nàng ai tơl bơta lơh broă bal 2 lơgar in pơn jăt tai bơtàu tơngguh gơlòt mŭt ngan ngồn tàm uă broă mờ geh cồng nha rlau, Củ tịc lơgar sồr 2 lơgar sơlơ tìp măt, tàm pơgơl mpồl kwang bàng lòt còp bal mờ gơ̆p tàm ală kâp, ală gah krơi is nàng lơh kơ̆ kơl jăp pin dờn cíñ trị; lơh pràn lơh broă bal lơh sa, kă bro phan, bơcri priă; sơlơ tơngguh tai tìp măt lơh kwèng bal làng bol, cribơyai niam chài nàng tơngguh uă bơta gĭt wă bal mờ gơ̆p đah làng bol 2 lơgar, lơh pràn lòt nhơl, tàm tơrbŏ bal ală tiah.