Đơs pơn dut tàm dơ̆ lơh broă, Củ tịc lơgar ồng Tô Lâm jờng rơ Ƀộ Nội vụ neh di tŭ geh ală jơnau tơrgùm kờp, jơnau yal sền sơ wì broă lơh tàm pơrlòng, pà khà jờng, den tàng neh ai tơlik uă kơnòl broă gơ wèt mờ broă lơh tàm pơrlòng, pà khà jờng. Củ tịc lơgar đơs nền, dà lơgar ngai sơlơ bơtàu tơnguh, cồng nha lơh geh ngai sơlơ uă. Bè hơ̆ den tàng broă lơh tàm pơrlòng, pà khà jờng pal geh kờp sền wơl nàng di mờ bơta geh ngan. Jat Củ tịc lơgar đơs, mờ ală jơnau pal jat, ală jơnau sồr neh geh mơya tàm tŭ lam lơh gam kòl yan den pal tă bơsong, tam gơl, bơ tơl di tŭ. Mờ kung tơngkah broă lơh tàm pơrlòng, pà khà jờng pal gơ jat bal mờ sền sơ wì, sồr lơh; pà khà jờng di tŭ ală jơnau bơceh lơh, krơh cau niam, broă niam, pà khà jờng di cau, di broă.