Tàm lùp bè gùng dà lơh broă bal dờng tàm tơngai tus, 2 gah dồ nùs ring bal sơlơ tơnguh tai tàm pơgơl mpồl kwang bàng lòt còp bal mờ gơ̆p, tìp măt kwang bàng kâp dờng mờ ală kâp; lam lơh gơtùi Jơnau hơ nền tơngume bè Lơh broă bal Lơh sa mờ Măy mŏk, sồr gờñ bơyai lơh dơ̆ pơrjum bơh sơnrờp bơh Anih duh broă tàm bơrlŭ bal Việt Nam mờ Timor- Leste kâp Ƀộ trưởng Ƀộ Cribơyai broă mờ lơgar ndai; kơlôi sơnơng wèt tus lơh ală gùng dà lơh broă đah 2 gah, dipal mờ jơnau kờñ lơh broă bal đah 2 lơgar.

Củ tịc lơgar đơs nền, Việt Nam crăp rơcăng pơn jăt tai ai pà phe, pơgồp bơnah dong lơgar Timor- Leste geh tơl phan sa; sồr 2 gah tơn jŏ tơngai halà kĭ pa Sră cih kah bè Kă bro phan phe; hòi jà Timor- Leste tơnguh tai blơi ală bơta phan niam ngan bơh Việt Nam dê, bè tàñ mai, zĕp khŏ, phan hùc, phan sa dà toh, phan sa neh trŭ gơm, phan lơh geh bơh sươn sre, brê bơnơm, phan tàm dà…