Sơnah ƀòn Cửa Đông geh rlau 2 rơbô hìu bơnhă làng bol mờ rlau 10 rơbô nă cau, geh 07 ƀòn. Sơnah ƀòn geh làng bol ơm kis uă. Jơh gùt sơnah ƀòn geh rlau 400 anih lơh broă, mpồl lơh sa kă bro, mpồl ling klàng mờ anih lơh sa kă bro drơng broă. Bơta do ai geh ală bơta lòng ai anih lơh broă atbồ bè broă gàr niam lơngăp lơngai rơndăp tăp sèng, rơndăp tăp sèng lơngap lơngai mpồl bơtiàn tàm ù tiah sơnah ƀòn dê. Ală nam pa do, Mpồl sồr lơh bơt bơtàu srơh jơh gùt làng bol sền gàr lơngăo lơngai dà lơgar sơnah ƀòn pơn jat tai lam lơh broă lơh, mìng dùl tơngume bơh srơh jơh gùt làng bol sền gàr dà lơgar, bè: mpồl rcang lài kơryan mờ cau lơh tìs, tam dră, yă ală bơta cau lơh tìs, pơgồp bơnah lơh tơrmù bơta cau lơh tìs, gàr kơ̆ lơngăp lơngai cíñ trị mờ rơndăp tăp sèng mpồl bơtiàn.

Đơs tàm ngai chờ, Củ tịc lơgar ồng Tô Lâm sồr kấp ủy, gơnoar atbồ ală kấp bơh ƀòn dờng Hà Nội dê pal pơn jat tai bơsram lơh jat niam, geh cồng nha ală gùng dà broă lơh, sồr lơh bè bơt bơtàu srơh jơh gùt làng bol sền gàr lơngăp lơngai dà lơgar mờ bơyai lơh “Ngai chờ jơh gùt làng bol sền gàr lơngăp lơngai dà lơgar”; pal pơgồp bal niam đah srơh jơh gùt làng bol sền gàr dà lơgar mờ ală srơh tàm pơrlòng bơh Đảng, Dà lơgar, ală anih lơh broă, mpồl lơh broă, Mặt trận Dà lơgar mờ mpồl cau, mpồl cau lam lơh, lơh geh bơta niam lơh bal jơh nùs mờ bơta gơ rề uă jrô ơnàng tàm rài kis làng bol dê.