Tàm dơ̆ wă, să tờm ồng Antony Blineken ai lơh pơlai soh ngan tềng đap bơta sang rài bơh dùl nă kwang đơng lam bồ geh bơta sền sơ wì jrô ơnàng, jŏ jòng mờ ki ngàm ală bơta tă pơgồp bơh Tổng Ƀí thư dê tàm broă lơh kơ̆ kơljap mờ sơlơ bơt bơtàu tai bơta git gơp đah Việt Nam mờ Mỹ mờ bơta git gơp lơh bơyô đah làng bol 2 lơgar. 

Củ tịc lơgar ưn ngài ồng Blinken neh lòt tus Việt Nam nàng tam pà bal bơta moat jrùm mờ hìu bơnhă Tổng Ƀí thư tàm tŭ tơngai moat jrùm dê. Ồng Blinken đơs nền, Mỹ sền dờng màng bơta git gơp lơh broă bal jŏ jòng tơl làm mờ Việt Nam mờ kơp kờñ 2 gah lơh broă bal jơh nùs nàng sơlơ lơh niam rlau tai bơta git gơp đah 2 lơgar, mờ kung pin dờn là 2 gah rơp pơn jat tai sơlơ tơnguh mờ bal mờ gơp bơt bơtàu nàng bơta git gơp đah Việt Nam mờ Mỹ ngai sơlơ bơtàu tơnguh, bơta git gơp lơh bơyô đah làng bol 2 lơgar ngai sơlơ geh tơnguh tai jat di bè bơta kơp kờñ bơh ƀồc Tổng Ƀí thư ồng Nguyễn Phú Trọng dê.