Đơs pơn dut dơ̆ lơh broă, Củ tịc lơgar ồng Võ Văn Thưởng đơs nền: Broă lơh bơsong sră nggal kơrnuat lơh glài gơ sơt mờ lơh jat kơrnuat lơh glài gơ sơt là broă kuơmàng ngan gơ rềng tus màng kis kòn bơnus, pal geh sền sơ wì, bơsong mờ lam lơh jat mờ nùs nhơm geh kơnòl uă, cèng bơta kuơ niam bơnĕ kòn bơnus dê, git kơrhia, nền nòn, lơh jat jơnau sồr lài ngan ki ngàm Sơnua boh lam mờ adat boh lam, gàr niam gơnoar bơh cau gơtìp lơh glài gơ sơt dê jat di jơnau cih adat boh lam dê.

Củ tịc lơgar sồr, tơngai tus, ală anih lơh broă pal pơn jat tai lam lơh tơl làm, jơh nùs kơnòl broă, gơnăp gơnoar he dê jat di jơnau cih bơh adat boh lam dê; đal git loh làng kơnòl broă bơh tơl anih lơh broă dê; sơlơ tơnguh bơta tàm pơgồp bal; lam lơh sền sơ wì, kờp sền sùm; lam lơh geh cồng nha broă lơh do. Củ tịc lơgar kung sồr ală anih lơh broă pal kơlôi sơnơng, ai tơlik gùng dà tam gơl, bơ tơl ală jơnau cih bơh adat boh lam gam ngui tŭ do dê bè broă lơh glài gơ sơt mờ lơh jat kơrnuat lơh glài gơ sơt lơh jat jơnau sồr ngan ngồn, yal mờ anih lơh broă geh gơnoar in sền sơ wì, tơlik kơrnuat.