Tus còp, gờm chờ Kwang atbồ Hoà thượng Thích Trí Quảng, Pháp chủ Hội đồng chứng minh Gah jat Yàng Phờk Việt Nam tàm Hìu Yàng Phờk Huê Nghiêm, Củ tịc lơgar ồng Võ Văn Thưởng pơyoa jơnau gờm chờ niam bơnĕ ngan rlau jơh tus Hòa thượng Pháp chủ; gờm chờ Mpồl duh broă Yàng Phờk bal mờ cau jat Yàng Phờk, làng bol jat Yàng Phơk tàm lơgar mờ lơgar ndai wă rò dơ̆ tơngkah kir sơn rai Ngai deh Yàng Phờk lơngap lơngai, chờ hờp, chờ hờn.

Củ tịc lơgar đơs nền, broă lơh mìng dùl lơm bơh Đảng, Dà lơgar dê sùm sền dờng màng mờ gàr niam gơnoar khat gơboh gah pin dờn jat yàng bơh Làng bol dê, sền gròi mờ lơh geh ală bơta ai ală mpồl jat Yàng lơh broă jat jơnau cih bơh Sơnoa boh lam mờ adat boh lam dê; Củ tịc lơgar đơs sùm, Đảng, Dà lơgar mờ Mặt trận Dà lơgar Việt Nam pin dờn mờ kơ̆p kờñ là, mờ gơnoar broă kwang đơng lam bồ bơh cau lam bồ Hội đồng Chứng minh, Hoà thượng Thích Trí Quảng rơ̆p bal mờ cau duh rboă yàng rơ̆p geh dùl tơngai lơh broă pa mờ lơh geh uă cồng nha; mơkung bơto pơlam kòn sau jat Yàng Phờk Việt Nam pơn jat tai lơh jat jơnau sồr lơh broă “Nùs nhơm jat Yàng- Jơi bơtiàn- Củ nghĩa Xã hội” pơgồp bơnah tàm broă bơt bơtàu mờ sền gàr dà lơgar.