Kwang ătbồ lơgar Mông Cổ ồng Khurelsukh, Củ tịc lơgar Việt Nam ồng Võ Văn Thưởng mờ ală kwang bàng neh iăt Kwang đơng lam bồ Gah đơng lam Kảñ sát lơh broă ntrờn làm bă tiah yal cồng nha bơto pơlam; sền gŏ dơ̆ lơh ai cau in sền bơta chài, broă chài tam lơh bơh mpồl Kảñ sát lơh kơnòl broă krơi is, Kảñ sát lơh broă ntrờn làm bă tiah mờ kwơmàng là dơ̆ lơh ai cau in sền bơh Mpồl Kảñ sát lơh broă làm bă tiah ling ơseh dê.

Dơ̆ lơh ai cau in sền neh lời uă jơnau kah niam gơ wèt mờ ală kwang bàng bơh tơrgùm bal uă bơta chài kal ke ngan lơh bè: Pơlam ơseh lòt gan ală phan kơryan, ală ù tiah kal ke, tiah geh săp ntas bơrtoh, ñhŭ ồs...