Củ tịc lơgar ồng Võ Văn Thưởng đơs nền broă lơh ờ tŭ lơi tam gơl bơh lơgar Việt Nam dê là sùm sền dờng màng bơtàu tơnguh bơta gĭt gơ̆p lơh bơyô bal bơh yau mờ lơh broă bal uă bơta mờ ală lơgar tiah tàm gùl câu Á, tàm hơ̆ geh lơgar Uzbekistan, kơ̆p kờñ bơta gĭt gơ̆p đah lơgar Việt Nam mờ Uzbekistan bơtàu tơnguh ngan ngồn rlau tai, lơh geh bơta kwơ  bơh làng bol 2 lơgar dê.

Jat tàm jơnau đơs jờng rơ uă ngan bơta ƀuơn bơta pràn lơh broă bal, Củ tịc lơgar sồr 2 gah lơh pràn lơh broă bal lơh sa- kă bro gam geh tềl tơngŏ bơtàu tơnguh wơl tàm ală gah geh bơta ƀuơn bơta pràn ndai, bè: bơto bơtê, tìp mat lơh kwèng bơta niam chài, lòt nhơl, tìp mat lơh kwèng làng bol, kơlôi sơnơng pờ gùng par song tàm tơrbŏ bal mờ ală tiah tus bơh 2 lơgar dê. Củ tịc lơgar ồng Võ Văn Thưởng sồr 2 gah sơlơ tơnguh tàm pơgơl mpồl kwang bàng ală kấp lòt còp bal mờ gơ̆p, nàng kờñ tơnguh bơta pin dờn cíñ trị mờ gĭt wă bal mờ gơ̆p, rề ơnàng lơh broă bal đah 2 gah tàm ală gah mờ 2 gah geh bơta bơta ƀuơn, bơta pràn bơtơl bal mờ gơ̆p in.