Dơ̆ tìp măt geh lơh di dơ̆ ală cau ala măt tus bal Broă lơh Jờng rơ cau pơnrơ gơguh jak bơh Ƀộ Kwang àng dê bơyai lơh mờ lơh jăt Nhai lơh broă  rơcăng sơndră ma túy (nhai 06/ 2023). Đơs tàm dơ̆ tìp măt, Củ tịc lơgar ồng Võ Văn Thưởng jờng rơ broă pơđơl pràn lơh ngan, ală cồng nha tam lơh, cồng nha lơh geh jak chài ngan mờ ală mpồl neh lơh geh tàm tơngai lài, ngan là 140 mpồl cau mờ cau dùl nă să is pơnrơ gơguh jak, làng bol geh uă tă pơgồp tàm srơh rơcăng sơndră ma túy tàm dơ̆ tìp măt, Củ tịc lơgar đơs là, do là ală krơh àng, cau tờm kwơmàng pơgồp bơnah lơh ai broă lơh rơcăng sơndră ma túy ngai sơlơ lơh geh cồng nha rlau. Củ tịc lơgar kung kơ̆p kờñ  ngai sơlơ geh uă làng bol tus bal geh kơnòl pơgồp bal mờ ală mpồl lơh broă geh gơnoar, sơm băt tê bal “tài dùl mpồl bơtiàn ờ geh ma túy”, cèng tus ai oh kòn neh rlau lơh tìs in dùl tŭ niam mŭt ơm kis gơrờm bal wơl mờ mpồl bơtiàn.