Củ tịc lơgar jờng rơ uă ngan cau tĕ khà ƀòn dờng dê đơs ală broă gơlik geh pah ngai, geh bơh kơnòl broă, bơta jơh nùs ngan mờ ndrờm pal mờ bơtàu bơtàu tơnguh bơh ƀòn dờng mờ Dà lơgar dê.

Tàm dơ̆ tìp mat mờ cau tĕ khà, ală cau tĕ khà jờng rơ uă ngan Quôk hội geh dơ̆ pơrjum geh cồng nha, gơ hòi gơ jà mờ di pal mờ bơta sền gròi bơh làng bol dê, tàm hơ̆ geh bơta tă pơgồp bơh mpồl Kwang bàng Quôk hội ƀòn dờng Đã Nẵng dê. Cau tĕ khà đơs bàr pe broă sền gròi tŭ do là pal lơh pràn mblàng yal broă lơh mờ ală bơta niam bơnĕ bơh mpồl bơtiàn dê rlau tai; pơn jat tai dan mờ Đảng, Dà lơgar lơh pràn broă lơh rcang sơndră sa kuề sa kuà mờ bơta ờ niam, pơhì pơhà; ală bơta kòlyan tàm broă lơh tơrlòng lài lơh jat bàr pe gùng dà broă lơh krơi is tàm ƀòn dờng Đà Nẵng dê.... Lài hơ̆, di Ngai Hìu bơnhă Việt Nam  28/06, Củ tịc lơgar ồng Võ Văn Thưởng neh tus còp hìu bơnhă Cau pơgru làng bol ồng Nguyễn Trọng Hoàng.