Đơs tàm dơ̆ tìp măt, Củ tịc lơgar ồng Võ Văn Thưởng đơs nền, Đảng mờ Dà lơgar sền bơtàu tơnguh lơh broă sa sươn sre, cau lơh broă sa mờ ƀòn lơgar là broă jŏ jòng, Củ tịc lơgar đơs sùm, ală cồng nha lơh geh dờng ngan bơh “Tam gơl pa dê”, broă lơh geh, gơnoar broă, bơngă pin dờn, bơta pràn bơh dà lơgar dê geh bè ngai do geh bơta tă pơgồp kwơmàng bơh lơh broă sa sươn sre, cau lơh broă sa, ƀòn lơgar dê.

Đơs tus jơnau kờñ ai lơgar Việt Nam gơ gơs là lơgar bơtàu tơnguh geh priă lơh geh uă tàm nam 2045, Củ tịc lơgar ồng Võ Văn Thưởng sồr Mpồl duh broă Lơh broă sa sươn sre mờ Bơtàu tơnguh ƀòn lơgar jơh nùs mblàng yal, hòi jà cau lơh broă sa tam gơl pràn kơldang, ngan ngồn, tơl làm bè bồ tơngoh kơlôi sơnơng bơh lơh is sa is tus lơh sa dờng, dipal mờ lơh sa phan bơna kă bro mờ lơh sa drà kă bro; dong kờl cau lơh broă sa pal gơ gơs là cau lơh phan lơh broă sa sươn sre.