Củ tịc lơgar đơs nền, đah bàr lơgar geh uă bơta ndrờm bal mờ ală bơta niam, bơta ƀuơn nàng pơn jat tai ai bơta git gơp lơh broă bal, lơh bơyô bal đah Việt Nam mờ Nhờk bơtàu tơnguh pràn kơldang rlau tai tàm tơl gah broă. Củ tịc lơgar ồng Võ Văn Thưởng sồr 2 gah pơn jat tai sơlơ tơnguh tàm pơ gơl cribơyai broă kwang bàng kâp dờng mờ ală kâp nàng kờñ pơgồp bơnah lơh kơ̆ kơljap mờ sơlơ tơnguh bơta pin dờn cíñ trị; sền gròi tus broă sơlơ tơnguh lơh broă bal lơh sa, kă bro, bơcri priă, lơh broă, ODA, bơto bơtê cau lơh broă, tàm hơ̆ geh bơto bơtê kwang bàng đơng lam bồ, atbồ ală kâp; sơlơ tìp mat lơh kwèng ală tiah, niam chài, lòt nhơl, tìp mat lơh kwèng làng bol mờ rơnàng kơnòm să 2 lơgar. Bè ală broă dunia mờ tàm tiah do, Củ tịc lơgar đơs sùm, Việt Nam tŭ lơi kung kờñ lơh broă bal jơh nùs mờ lơgar Nhờk tă pơgồp tàm cồng nha bơh Pơrjum kwang bàng kâp dờng mpồl ASEAN- Nhờk lồi nam 2023.